23ê nîsana 2021î de artêşa tirke vera Avaşînî hêrişê îşxalî da destpêkerdene. Tunelanê şerî yê Werxelê de vera hêrişanê artêşa tirke grûbeke 5 aşmî bi şîarê ''Zagrosan de destûr nêdîyeno îşxalî'' destan nuşt. Xoverdayoxanê Werxelê yê ke rixmê heme îmkananê ci yê teknîkî destûr nêda artêşa tirke ser bikewo, pê çeka kîmyewîyî ameybî qetilkerdene. Gerîlayanê xoverdayoxan derheqê şerî de xo ya dima mesajî verdayî.

Gerîlayan ra Şehîd Adîl Gabar û Şehîd Celal Fedakarî mîyanê sixletîya şerî de çîmdarîya xo ya şerî qeyd kerd. Wird gerîlayan roja 72. yê xoverdayîşî de tunelenê şerî yê Werxelê de kamera rê qisey kerd.

Celal Fedakaro hewlêrij wina qisey keno: ''Xeylêk wexto Avaşîn de operasyon esto. Rojanê verênan de operasyon hetê Mamreşo û Şehîd Serdarî de bi, pede pede vila bi. Kenê ke kampan û warî rê nêzdî bê. Nika zî hêrişê kampa ma kenê la ma do kampa xo cameverdê. Qet yew embazê ma cayê xo canêverdeno. Wa her kes bizano, dişmen zî bizan o, ma do çirey cayê xo cameverdê. Seba ke dişmen nêeşkeno debikewo kampe gaz şuxulneno û kutikan şaweno zere. Ê se kenê wa bikerî do ser mekewê.''

Celal Fedakar ano ziwan ke ê tunelanê şerî yê Werxelê de yê û wina dewam keno:  Tunelî hay ma ya cor, dişmen nêeşkeno tira nêzdî bo. Embazî ge ge danê piro, peyser şinê.  Xora eke cebilxane, lojîstîk û tedbîrî bibî dişmen nêeşkeno nata bêro. Mamreşo de zî nêeşkeyî debikewê tunelan coka gazê kîmyewî şuxulnayî û embazî şehîd kerdî. Tîya xoverdayîşo pîl yeno dayene. Dişmen seba ke destveng, rîsîya amegêro heme teknîkê xo şuxulneno la tekînîkê înan tesîrê ma nêkeno.''

Mesajo peyên ê Celal Fedakarî zî wina yo: ''Ma heme embazan rê selamanê xo şawenê. Heme embazan zerrî ra selam kenê. Ma ser kewnê, serkewtiş xora yê ma yo.  Ma tîya manê dişmenî şiknenê, bin fînenî.  Wa heme embazê ma bizanê, ma do çirey tîya cameverdê. Tay mend, ma do dişmenî bin bifînê.

Gerîlayê HPGyî Celal Fedakar (Bestûn Bekîr) 26ê êlula 2021î de Adil Gabar ( Yakup Kizilaslan) zî 10ê teşrîna verên a 2021î de şehîd bîyî.