Vizêr şewe şaristanê Xoyî yê Eyaletê Ûrmîye yê Rojhelatê Kurdîstanî de bi girdîya 5,9î erdlerz qewimîya.

Goreyê agahîyanê verênan erdlerz de tewr tay 3 kesan dinyaya xo bedilnaya. Goreyê Walîyê Ûrmîye Mihemed Sadiq Mutemdyanî 580 kesî zî birîndar bîyê.

Mutemdyanî ard ziwan ke 16 sewqê Nêweşxaneyê Selmanî ameyê kerdene, 6 kesî amelîyat bîyê û 20 kesê bînî zî sewqê Nêweşxaneyê Xewêndrawinî ameyê kerdene.

Mutemdyanî da zanayene ke netîceya erdlerzî de 70 dewan de zeraro madî qewimîyayo.

21ê çeleyî de zî Xoy de erdlerz qewimîyabi û nê erdlerzî de zerar resabi 3 hezar û 850 bînayan û 13 dibistanan ser.