PDKyî waştişê dewleta tirke ser o 3ê adara 2017î de cergan reyde hêrişê Xanesorî kerdbi. Fermandarîya YBŞyî bi eşkerayîyêka nuştekîye şehîdê Xanesorî yad kerdî.

Eşkerayîye bi kilmî wina ya:

''Ma serrgêra 6. ya şehadetê înan de şehîdanê Xanesorî bi rêzdarî û minetî yad kenê. Hêrişê vera Xanesorî hêrişêko plankerde yê PDKyî bi. Dima ke Şingal hetê HPG, YJA-Star, YBŞ-YJŞyî ra ame xelisnayene şarî xopawitiş aver berd, rêxistinîya xo naye ro. PDKyî vera îradeyê şarî tehamul nêkerd û no hêriş kerd. PDK wextê hêrişanê DAÎŞî de rema la xelisnayîşê Şingalî ra dima pê wesayîtanê zirxînan agêra. 12 embazê ma seba ke verê nê îşxalî bigêrê şehîd bîyî, şarî vera nê îşxalî nêrazîbîyayîşê xo mojna.

PDK ewro bi paştdayîşê dewleta tirke gef û hêrişanê xo yê vera Şingalî rê dewam keno. La ma qerardar ê ke heta peynî destkewteyanê xo bipawê. Destpêkê fermanî ra nata ma bedelê giranî dayî. Ma do heta peynî vera hêrişan rêçê şehîdan de şorê, xeyal û armancanê înan bîyarê ca. Ma reyna şehîdanê Xanesorî û pêro şehîdanê têkoşînî bi hûrmet û minetî yad kenê. Serkewtiş do bibo ê ma û şarê ma.''