Fermandara Qerargehê Merkezî ya YJA-Syarî Zozane Çewlik hetê çalakî, têgêrayîş û armancan ra serra 2020î ercnaye.

Qiseykerdişê Zozane Çewlik ra beşêk wina yo:

''Ma Dêrsimî ra heta çar parçeyanê Kurdîstanî xo pawenê. Gerîlayê ma hêzê xo Rayberîye û şehîdan ra gênê. YJA-Starî morê xo da binê serra 2020î ro. 

Serra 2020î de hêzanê ma Heftanîn de xeylêk çalakîyî kerdî. Gerîlayanê YJA-Starî bi perwerîya serkewtişî û qerardarî hem çalakîyê xo kerdî hem zî teknîkê neweyî ardî ca. HêzêJA-Starî çekê giran, sûîkast, sabotaj, otomatîkî û fuzeyî xebitnayî. Tarîxê ma de reya verême hêzê pawitişî yê hewayî yê Şehîde Delaleemser ronîya. Şehîda verêne ya paramatorî ya hêzê pawitişî yê hewayî zî embaze Doga bîye. 

Ma bêguman wayîrê tecrubeyêkê xurtî yê. Şerê ma se ra se vurîyayo. Ma hûmarayan ra zêdêr xo rê kalîte û wesf esas gênê. Serra 2020î de xeylêk cayan de gerîlayanê cinîyan rayberîye kerde. 

AKP-MHP emser zî hêrişê xo yê vera cinîyan û Rayberîye dewam kerdî. La reyna zî AKP nêeşkeno hînî emrê xo  bikero derg. Emser şarê ma zêdêr polîtîkaya AKPyî şinasnaye. Ma bi hemleyanê 'Tecrîd, Faşîzm, Îşxalî rê Bes o; Wext Wextê Azadîye yo' û 'Vera qirkerdişê cinîyan cinîya azade û komel bipawê' dest pê serra newîye kenê.  Ma sey YJA-Starî tewrê nê hemleyan benê. Ma seba çinkerdişê faşîzmî, qedînayîşê tecrîdî do pê pêro hêzê xo têkoşîn bikerê. Ma do rayberîya na hemle bikerê.

Seba ke bîlançoya kanûne nêresaye mi destî ez eşkena bîlançoya 11 mengan bida. 11 mengan de hêzanê YJA-Starî 110 çalakîyê xoserî kerdî. Nînan ra 68 çalakîyî Heftanîn de ameyî kerdene û 19ê ci çalakîyê sabotajî, 41ê ci çalakîyê sûîkastî, 13ê ci çalakîyê çekan ê taybetan û 9ê ci zî çalakîyê bi çekan ê nêmotomatîkan bîyî. Mabênê YJA-Starî û dişmenî de 3 reyî şer qewimîya. Nê şeran de 3 kontrayî bi temamî 316 dişmenî ameyî cezakerdene û 28 dişmenî zî birîndar bîyî.

112 embazê ma zî prosesê têkoşînî yê 11 mengan de şehîd bîyî.

Rixmê Korona zî 160 cinîyî tewrê hêzanê ma bîyî.

Aqîbetê 2 embazanê ma eşkera nîyo, 2 embazê ma esîr kewtî û 4 kesî zî teslîmê dişmenî bîyî.

Ma do serra 2021î de vera îşxal û hêrişan têkoşînê xo dewam bikerê. Seba pawitişê xeta Rayberîye, vera her merodê şerî û hîşmendîya tasfîye ma nika ra xo amade kenê.

Heta ke tecrîdê vera Rayberîya ma biqedo, bi hemleya têgêrayîşê ma, ma do xoverdayîşê nikayênî bivurnê serkewtişî. Ma pê na qerardarî dest pê serra 2021î kenê.''