Endamê Heyetê Têgêrayîşê Şorişgêrî yo Yewbîyaye yê Şaran (HBDH) û endamê Komîteya Merkezî ya DKP/BOG’î Tekîn Yoldaşî vat ke Gokhan Taşyakan (Ûlaş Adali) mîyanê mucadeleyê antî faşîstî de bi û mîyanê mucadekeyê azadîye yê ciwanan de keda ê estbî.

Yoldaşî vat ke Adaliyî bi xoverdayîşê Kobanê verê xo da mucadeleyê azadîye yê Rojakewtena Mîyanêne, bi mucadeleyê şorişgêrî hemverê barbarîya DAÎŞ’î de vindert. Yoldaşî vat, “Dima ra zî verê xo da koyanê Kurdistanî û bi hawayêkê aktîfî tewrê xebatanê awankerdişê HBDH’yî bi.” Yoldaşî vat, “Mucadele û ercê hemra Ûlaşî ercê ma yê hempar ê. Hemra Ûlaş ercê mucadeleyê hemparî yê şorişgêranê şorişê Kurdistanî û Tirkîya yo. O kadroyanê awankerdoxan ê Partîya Komunaran a Şorişgêre û Hêzê Azadîye yê Yewbîyayeyî yo.” Yoldaşî bale ante ke Ûlaş bi samîmîyetê xo tim înan rê bîyo nimûne û awanbîyayîş û averberdişê xebatanê HBDH’yî de kedêka êya pîle esta û vat, “Mucadeleyê hemra Ûlaşî mucadeleyê ma yo, çekê ê çekê ma yo.”