Yewîyê pabesteyê Mudurîyetê Asayîşî yê Amedî, vizêr serê sibayî eştibi sere keyeyê Ahmet û Bîrsen Yoldaşe yê ke Cadeyê Karacadagî yê pabesteyê qezaya Baglarî ya Amedî de bî tepiştî. Sereştiş de hemwelatijo bi nameyê Mucahît Yilmaz o ke Qoserê Mêrdînî ra bi ame kiştene, wayîrê keyeyî Ahmet Yoldaş û Bîrsen Yoldaşe zî ameyî destbendkerdene.

 Cenazeya Mucahît Yilmazî yo ke ame kiştene Morgê Nêweşxaneyê Perwerde û Cigêrayîşî yê Amedî de ya. Ame zanayene ke keyeyê Yilmazî ameyo Amed, vato ke hayîdarîyê derheqê nasnameyê lajê înan rast ê, la seba ke hewna cenaze nêdîyaya bi înan ê nêzanê tirêm o yo yan nê. Ame pêhesnayene ke ferdanê keyeyê Yilmazî seba teşhîskerdişê cenaze muracatê Serdozgerîya Komare ya Amedî kerdo.

 Heman wextî de ame vatene ke Ahmet Yoldaş o ke sereştiş de ame destbendkerdene, Mudurîyetê Polîsan ê Amedî de ci rê îşkence ameyo kerdene. Ame zanayene ke Yoldaş rîyê îşkenceyê giranî ra ameyo berdene bi Nêweşxaneyê Leşkerî yê Amedî û tedawîya ê dewam kena. Cinîya ê Bîrsen Yoldaşe zî hewna Şaxê TEM’î yê Amedî de yena tepiştene.