Koordînasyonê Yewinanê Pawitişê Sivîlî (YPS) seba serrgêra 6. ya ronayîşê xo eşkerayîya nuştekîye daye.

Eşkerayîye de YPSyî verî pêro şehîdî yad kerdî û ard ziwan ke ê soz danê ke 'Kurdîstanê Azadî û Rayberîya Azade' awan bikerê. Eşkerayîya YPSyî bi kilmî wina ya:

''Sey şarê kurdî wezîfeyê ma yo ke erjanê tarîx û komelê xo vera hêrişanê dewlete bipawê. Ma sey YPSyî seba raştîya komelkîye do biciwîyê, xo ver bidê û şer bikerê. Çimeyê xoverdayîşê ma zî vîrê ma yo komelkî yo. Faşîzmê dewleta tirke 2021 de kerd ke pê metodanê vera merdimîye îradeyê şarê kurdan teslîm bigêro. Cenazaya gerîla Agîd Îpekî pê kargoyî erşawîyaye, merdimî helîkopterî ra erzîyayî war, Konya de kurdî û Îzmîr de kurde Denîze Poyraz hêrişê nîjadperestî de ameyî qetilkerdene, ciwanan rê kundox ame ferzkerdene, cinîyan ê kurdan rê tecawuz û fuhuş ame ferzkerdene, şarê ma erzîya zîndanan.

Qet yew hêz nêeşkeno heqê tewirê komelê rêxistinbîyaye û hişmendî ra bêro. Tarîxî na raştîye îsbat kerde. Şarê ma na raştîye ra dormeyê xoverdayîşê xoîdarekerdişî yê 2015-2016î û YPSyî de ame pêser. Nê xoverdayîşê xoîdarekerdişî de şarê kurdî destkewteyê bêhempayî vistî destî. No vera dişmenî redîyeya tewr pîle ya şarê kurdî bi. Xulasa seke Çîyagerî vat: 'Se beno wa bibo netîce bêhempa bîye.

Vera şarê kurdî 24ê temmuza 2015î de serrgêra Peymana Lozanî de hêrişê topyekûnî dîyayî destpêkerdene. Xoverdayîşê xoîdarekerdişî zî nê prosesî de qewimîya. YPSyî pê bedelan no ruhê xoverdayîşî 6 serran de kirişt asta tewr berze. Wezîfeyê ma yê pêroyînan o ke wayîrê nê ruhî vejîyê û YPSyî sey temînatê serfîrazîye û hêzê xelisîyayîşî bivînê.

Hînî wextê ci ameyo ke serê esasê hişmendîya xopawitişî de xo rêxistin bikerê û tewrê cepheyê pawitişî yê YPS û YPS-JIN bibê. Wextê ci ameyo ke ma faşîzmê dewleta tirke yo ke merde yo serê xo ra bierzê û binê erdî bikerê.

Bi na qerardarî û bawerîye ma rayberanê şarê xo Mehmet Tunç, Sêvê Demîr û Pakîze Nayiran, fermandaranê bêmergan ê xoverdayîşî Çîyager Batman, Rûkene Xoserî, Çeko Çatak, Xebatkar Bîngol, Îsmaîl Gever û Zeryane Amed rê soz danê ke rûmetê têkoşînî pê Kurdîstanê Azadî û Rayberîya Azade tacîdar bikerê. Ma venga pêro ciwanan û şarê xo danê ke tewrê YPS-YPS JIN bibê û têkoşînê ma de cabigêrê.''