Merkezê Îrtîbatî û Çapemenîye yê Yewinanê Pawitişê Rojhelatê Kurdîstanî (YRK-BÎM) bi eşkerayîyêke da zanayene ke gerîlayê înan Erdal Amed (Hesen Mihemedî)  netîceya hêrişanê dewleta tirke ya îşxalkere de Asos de şehîd bîyo.

Eşkerayîye wina ya:

''Seke ma çend rojî verî dabi eşnawitene 4ê hezîrane de dormeyê dewa Gelale, Koyê Asosî hetê droneyê çekdarî yê dewleta tirke ya îşxalkere ra dîyayo bombayan ver. Netîceya nê hêrişî de embazê ma Erdal Amed (Hesen Mihemedî) şehîd bi.

Nasnameyê embaz Amedî wina yo:

Nameyê Qodî: Erdal Amed

Name û Peyname: Hesen Mihemedî

Tarîx û Cayê Tewrbîyayîşî: 01.10.2013 – Merîwan

Tarîx û Cayê Şehadetî: 04.06.2023 – Asos

Embaz Erdal şaristanê Merîwanî yê Rojhelatê Kurdîstanî de dadîya xo ra beno. O rixmo ke babîyê di domanan bîyo, 2013 de tewrê gerîlayan beno. Embaz Erdal sey şerwanêkê YRKyî xeylêk cayan de têkoşîn keno û bi şewqî erkanê xo ano ca. Embaz Erdal 2022 de beno fermandar. Embaz Erdalî heta peynî seba yewîya kurdan a neteweyîye têkoşîn kerd. Ma sere de keyeyê ey rê pêro şarê ma rê serweşîye wazenê. Ma do heta peynî rêçê ey de şorê û nêverdê ke dewleta tirke ya îşxalkere û rejîmê Îranî armancanê xo bîyarê ca.''