Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Çarçewaya Hemleya Şorişgêre ya  Bazanê Zagrosî de 8ê nîsane de Zapî de di çalakîyî ameyî kerdene. Saetanê nêroje de îşxlakerî Kela Bêdewê de  hetê hêzanê ma ra di hetan ra bi çalakîyêka koordînekerdîye ameyî pirodayene.  Eynî roje saetanê şanî de reyna îşxalkerî eynî ca de bi çekanê giranan ameyî pirodayene. Hedefê ke ameyî bewlîkerdene ameyî îmhakerdene. Nê wird çalakîyê ke hêzanê ma kerdî semedê yadkerdişê qehremananê ma yê bêmergan înanê ke Werxelê de tarîx nuşt, ameyî kerdene.

8ê nîsane de warê Girê Cûdîyî yê herêma Zapî û warê Werxelê yê herêma Avaşînî pê teyarayanê şerî û obusê ke hetê qereqolanê sînorî ra ameyî eştene ameyî  bombardumankerdnene.  9ê nîsane de xeta Qaşûra ya Metîna de têgêrayîşê teyarayan qewimîya û eynî wextî de dormeyê dewanê Dêşîşê, Seraro, Êdînê û warê Koordîne pê helîkopteranê hêrişî dîya bombayan ver.''