Mehkemeya Berze bira mehkemeya herêmî ya 'teslîmkerdişê heqanê qedexekerdeyan' ê Hemşaredarê Wanî Abdullah Zeydanî xera kerde. 

Abdullah Zeydanî naye ser o hesabê xo yê medyaya dîjîtale de nêrazîbîyayîşê xo mojna û vat: ''Hêverî mehkemeya herêmîye 'heqanê qedexekerdeyan' dana, ma kewenê weçînayîşan û se ra 55.5î rayan gênê dima şima vanê 'Ma hesabêko şaş kerdo, ma do nê heqan apey bigêro.' Şarê ma 31ê adare de wayîrê îrade, mazbata, demokrasî û edaletî vejîya û ewro zî do vejîyo. Şarê ma nê kerdişan qebul nêkero û mazbata nêdo dizan, talanker û çeteyan. Ma venga şarê xo danê ke dormeyê îradeyê xo de bibo yew û kayo ke yeno ferzkerdene bixeripno.''