Tepişte Alî Okûtanî da zanayene ke tepişteyê sîyasîyî  yê Zîndanê Kurkçulerî yê Tîpê F’yî  yê Edene raştê hêrişê gardîyanan ameyî.

1’ê Temmuze de tepişteyê sîyasîyî  û DAîŞijî  Zîndanê Kurkçulerî yê Tîpê F’yî  yê Edene de yew ce de vejîyayîbî pêvînayîşê keyeyan o akerdeyî.  Tepişteyê sîyasîyî seba asayîşê xo û merdimanê xo vera naye vejîyayîbî. Naye ra dima pêrodayîş vejîya bi û pêvînayîş nêmcet mendbi. Tepişteyan ra Alî Okûtano ke keyeyê xo de qisey kerd vat dimayê pêvînayîşê 1’ê Temmuze gardîyanan hêrişê înan kerd û tepişteyê sîyasîyî derb kerdî.

Birayê Alî Okûtanî Duzgun Okûtanî no sey provokasyon name kerd û vat: ‘’ Yew serre yo ke seba ke tepişteyê sîyasîyî û DAÎŞijî heman ca de pêvînayîş virazenê, sîyasîyî nêvejîyenê pêvînayîşan. Dimayê reaksîyon ramojnayişê tepişteyanê sîyasîyan pêvînayîşê ma yo peyên nêmcet mend. Birayê mi telefon de vat ke roja pêvînayîşî ra ê 3 raye raştê hêrişî ameyî. Ma semedê înan qesewet kenê. Ganî Komeleya Heqanê Merdiman û selahîyetdarî mudaxale bikerê.