96 rêxistin û dezgehanê huqûqî yê Sûrîye bi eşkerayîyêka hempare hêrişê dewleta tirke ya îşxalkere şermezar kerdî û seba ke warê hewayî yê Rojawanî hêrişanê dewleta tirke rê bêro qefilnayene veng da.

Eşkerayîye de ame parekerdene ke dewleta tirke ya qirkere Rojawan de hêrişê waranê sivîlan, binawanîye û dezgehanê xizmetî kena.

Eşkerayîye de venga Neteweyanê Yewbîyayeyan ame dayene û nê çîyî ameyî waştene:

''Warê hewayî yê herême wa hêrişanê dewleta tirke rê bêro qefilnayene.

Hêzê dewleta tirke wa erdê Sûrîye ra xo biancê.

Wa seba cigêrayîşê sûcanê dewleta tirke komîteyêke bêra awankerdene.

Wa dezgeh û rêxistinê Sûrîye û Rojawanî vera hêrişan têbigêrê.''