Keyeyê Muşahedeyî yê Heqanê Merdiman ê Sûrîye (SOHR) da zanayene, şewa  vêzîrî grubanê çeteyan başûrê Helebî de û başûrê  rojawanî de hêriş bi di merkezanê rejîmê Sûrîye kerd.

Ame vatene hêrişan ra yew hetê gruba çeteyî ya bi nameyê Haris El Dînî ra, merkezê Zimar û Herîşî yê başûrê Helebî rê ame kerdene û mabênê di hetan de şer qewemîya. Hêrişo dîyin zî hetê çeteyanê Ceyş Omer Bîn Xebatî ra ver bi merkezê Xan Tomanî yo ke başûrê  rojawanî Hebebî de yo ame kerdene. Dimayê di hêrişan de şer qewimîya û hêrişê hewayî herême de ame viraştene. Netîceyê hêrişan de 17 eskerê rejîmî ameyî kiştene, 30  bî birîndar û 8 çeteyî zî ameyî kiştene.

Teyareyê şerî yê Rûsan vizêrî şewe  çolê Hema û Îdlîbî bombardûman kerdî.  2 hêrişê hewayî dewa El Emqîye rê û hêrişêk dewa Kokba yê nêzdîyê El Enkawî û koyê Şehşîba yê deşta Gabî rê ameyî kerdene.