Hetkarê Hemserekanê Meclîsê Îdareyê Xoserî yê Minbicî û Endamê Yewîya Tirkmenan Cuma Alî Heyderî ANFyî rê qisey kerd.

Alî Heydarî pare kerd ke dewleta tirke ya îşxalkere pê hêrişanê xo herême de kaosî virazena. Alî Heydarî dîyar kerd ke ê çarçewa îdeolojîya Abdullah Ocalanî de heqê xo yê meşrûyî anê ca û vera hêrişan xo pawenê. Alî Heydarî vat: ''Dewleta tirke wazena herême de serdestîya xo îlan bikera. Dewleta tirke hema hema her roje hêrişê herême kena çunke a projeyê Îdareyê Xoserî ra tersena. Rûsya seba ke Sûrîye û Tirkîya pêbikerê. La ganî birê serê Sûrîye hetê pêro şaranê Sûrîye ra bêrê girewtene.''

Alî Hayderî ard ziwan ke ê sey tirkmenan wazenê Sûrîye bi haştî û aramî biciwîyê û vat: ''Ma kenê ke bi sîstemê demokratîkî biciwîyê. Ma heta nika hêrişê dewletêke zî nêkerd. Dewleta tirke dewletêka îşxalker a. No erd ê ma yo. Ma do erdê xo nêdê çewî. Ma hetê Îdareyê Xoserî û QSDyî de yanî hetê domananê xo de ca bigêrê û şer bikerê. Rixmê hêrişanê Tirkîya zî şar karanê xo yê rojane keno. No zî mojneno ke hêrişê Tirkîya do nêeşkê îradeyê ma bişiknê. Ma perwerê îdare, proje, krîter û destkewteyanê xo yê.''