Dayîreyê Têkilîyanê Teberî yê Îdareyê Xoserî ewro derheqê temsîlkarê înan ê tepişteyî Cîhad Hesenî de eşkerayîyêke daye.

82 rojî verî hêzanê PDKyî Hewlêr de Temsîlkarê Îdareyê Xoserî yê Hewlêrî Cîhad Hesen remnabi.

Vervatoxê Dayîreyê Têkilîyanê Teberî Kemal Akîfî verê dayîreyê înan ê Qamişloyî de eşkerayîye wende. Akîfî pare kerd ke rewşa Hesenî hol nîya û vat: ''PDKyî bi hawayêkê îlegalî temsîlkarê ma tepişto û nêverda keye û avûkatî ey bivînê. PDK bi nê hawayî qanûnan binpay keno. Tepişîyayîşê Hesenî têkilîya Rojawan û Başûrî zî xirab keno.

Ganî sebebê tepişîyayîşê Hesenî bêro eşkerakerdene û Hesen cade bêro veradayene.''

PDKyî 10ê hezîrane de Cîhad Hesenî reyde di endamê bînî yê PYDyî tepiştbî. 29ê temmuze de di endamê PYDyî vera dîyayî la aqîbetê Hesenî nêzanîyeno.