Îdareyo Xoser ê herêma Firatî: Vera îşxal û faşîzmî xoverdayîşî xurtêr bikerê

Dezgeh û rêxistinanê Îdareyê Xoserî yê herêma Firatî vera hêrişanê dewleta tirke ya îşxalkere venga şarê herême da ke wa xoverdayîşî xurtêr bikero û hêzanê mîyanneteweyîyan ra waşt ke peynîya bêvengîya xo bîyarê.

Dezgeh û rêxistinanê Îdareyê Xoserî yê herêma Firatî vera hêrişanê dewleta tirke ya îşxalkere eşkerayîyêke daye çapemenîye. Hemserekê Karanê Îdareyî yê herêma Firatî Xalit Ceradêyî eşkerayîye wende. 

Eşkerayîye de bale ameye antene ser ke dewleta tirke ya îşxalkere bi destekê cerganê DAÎŞî û cerganê bînan hêrişê erdê Rojawanî kena, şarî qetil kena. Eşkerayîye de bêvengîya hêzanê mîyanneteweyîyan ameye şermezarkerdene û nînan ra ame waştene ke wa peynîya bêvengîya xo bîyarê.

Peynîya eşkerayîye de venga şarî ame dayene ke wa vera hêrişanê îşxalî xoverdayîşî xurtêr bikero .