Artêşa tirke ya îşxalkere hêrişê Merkezê Perwerdeyî yê Cinîyan kerdbi ke merkez binê sponsorîya Neteweyanê Yewbîyayeyan (NY) de yo. Îdareyê Xoserî yê Rojawanî derheqê babete de eşkerayîyêke daye.

Eşkerayîye wina ya:

''Pêvînayîşê Eroganî yê bi hêzanê mîyanneteweyî û herêmîyan ra dima hêrişê vera herêma ma zêdîyayî. Hêrişan de hemwelatî û fermandarê ke vera DAÎŞî şer kerdbi şehîd bîyî. Droneyêkê çekdarî yê dewleta tirke vizêr şan rayîrê Til Temir-Hesekê û merkezê perwerdeyê domananê kênayan kerdî hedef. Hêriş de çar domanî şehîd bîyî, 11 domanê kênayî zî birîndar bîyî. Nê hêrişê wehşîyî pêro qanûnan binpay kenê û sûcê şerî yê. Nê hêrişî qirkerdişê vera şarê ma yo, rîyo bîn ê DAÎŞî yê.

Hêrişê Erdoganî tehlukeyê vera domanan, hemwelatîyan û merkezanê perwerdeyî zêdînenê û do kaosê Sûrîye bizêdînê. Dewleta tirke armanc kena ke îşxalê xo meşrû bikera. Her roje tehlukeyê hêrişan zêdîyeno, no zî mojneno ke Sûrîye binê tehdît û tehlukeyê Tirkîya de ya. Ganî pêro hemwelatîyî ney bizanê û nê polîtîkayanê Tirkîya ra dersan bigêrê.''