Dewleta tirke ya îşxalkere vizêr, 9ê tebaxe de hêrişê dewa El Şirkê ya Eyn Îsayî kerdbî û heman keyeyî ra 3 kesî qetil kerdbî û 3 kesî zî birîndar kerdbî. 

Îdareyê Xoserî yê Herêma Firatî bi eşkerayîyêka nuştekîye qatlîamê dewleta tirle şermezar kerd û vat: ''Dewleta tirke vera şarê Rojawanî polîtîkayanê dişmenîye, binpaykerdişan û vurnayîşê demografî rê dewam kena. Komelo mîyanneteweyî zî vera sûcanê dewleta tirke ya îşxalkere bêvengîye rê dewam keno.

Seba ke herême de aramî û asayîş newe ra bêrê awankerdene, wa her kes vera şarê herême erk û mesuldarîyanê xo yê sîyasî, manewî û merdimîyan bikero û peynîya îşxalê dewleta tirke bîyaro.''