Îdlîb de pêkewtişê mabênê çeteyanê dewleta Tirkî bi vilabîyayîşê herêmanê cîya- cîyayan dewam kenî. Pêkewtişanê peyênan de her di hetan ra 30 zafêr çeteyî ameyî kiştene.

Roja Sêşeme ra nata mabênê çeteyanê Heyet Tehrîr El Şamî (HTŞ) û Cepheyê Xelisyayîşî (UKC) de pêkewtişê giranî yenî viraştene. Goreyê Banê Muşahedeyî yê Heqanê Merdiman ê Sûrîye pêkewtişan hêvêr Halep de dest pêkerdî, dima  ra perayê Hama û Îdlîbî.

Goreyê Banê Muşahedeyî  roja Çarşeme ra nata 30 zafêr çeteyî ameyî kiştene û HTŞyî 17 bajarek û dewî fînayê dest.

Yeno vatene ke  dimayo ke roja Dişeme grûba çeteyanê Nureddîn El Zenkî ya pabesteya UKCyî 5 endamê HTŞyî kiştê, pêkewtişan dest pêkerdî.

Banê Muşahedeyî  da zanayene ke vizêr HTŞyî  bi desan wesayîtanê leşkerî  xeylê cayanê îdlîbî de hêriş kerd.

Çimeyanê herême da zanayene ke  grûbê çeteyan ê ke hêrişê îşxalê Efrînî de ca girewtêne  vera çeteyanê Tehrîr El-Şamî paştî danê çeteyanê Nureddîn El Zenkî.

Pêkewtişanê herême de Kampa Aymê de macîrek zî birîndar bi.