Vervatoxê YPGyî Nûrî Mehmûdî hêrişê dewleta tirke yê vera Başûr, Vakur, Şingal û Rojawanê Kurdîstanî ANFyî rê ercnayî

Nûrî Mehmûdî îfade kerd ke dewleta tirke tim nasname, estbîyayîş û kulturê kurdan semedê xo sey tehluke dîyo û vat: ''Coka hêrişê Efrîn, Şehba, Til Temir, Eyn Îsa û Şingalî kena ke nê cayan de modelê Rojawanî esto. Artêşa tirke Yewîya Ewropa û NATOyî ra destek gêna. Labelê nê îmkanan vera herêmanê azad û demokratan xebitnena. Artêşa tirke pê îmkananê NATOyî cergan ra artêşêke naya ro

QSD mutefîqê Amerîka yo la Tirkîya hêrişê QSDyî kena. NATO zî nê hêrişan rê vengê xo nêkeno.Hukmatê AKP-MHPyî Tirkîya de stratejîyêka cîhadîste awan kerde û pê rayîrê ney welatanê Ewropa rê şantaj keno. Rûsya û Amerîka zî wezîfeyê xo yê garantorîye zî nêanê ca. Her roje Tirkîya hewayî ra hêriş kena. Tirkîya Sûrîye de El Qaîde û DAÎŞ rêxistin kena. Sey YPGyî ma tim vanê ke ganî Amerîka û Rûsya serê madeyanê mabênê QSD û Tirkîya de ameyî dîyarkerdene vinderê.' Amerîka zî Rûsya zî goreyê garantorîye tênêgêrenê.

Gereka çinkerdişê DAÎŞî ra dima Sûrîye de çareserîyêke biameyêne kerdene la rixmê pêvînayîşanê  Cenevre, Astana û Soçî heta nika çareserîyêke peyda nêbîye. Ma vînenê ke meseleya çareserîye ya Sûrîye destê sûrîyeyîjan ra vejîyaye kewte destê AKP-MHPyî. Komê cergî semedê Erdoganî xebitîyenî. Verê çimanê dinya  Xîlafetê Osmanîyan yeno caardene. Tesîrê nê çîyan ra çeserîye nêqewimîyena.

Şehîdgehan de hertim şehîdan rê zulm yeno kerdene.Gelo bê şaranê Sûrîye çareserîyêke mumkîn a? Dewleta tirke û komê cerhan Sûrîye çareserîye ra açarnenê. Ganî komelo mîyanneteweyî na raştîye bivîno. Kerdiş û hêrişê dewleta tirke semedê pêro şaranê Sûrîye, Rojawan û Rojhelatê Mîyanênî tehlukeyêko pîl o. Na têna meseleya Rojawanî nîya meseleya mîyanneteweyî ya.''