Dewleta tirkî ya îşxalkare û çeteyanê ci hêrişê xo yê vera Rojawanî zêdînayî.

Çeteyanê dewleta tirkî vizêr Cerablusî ra hêrişê Minbicî kerd. Dewanê Arap Hasan û Toltarî yê ke vakurê Minbicî de yê ser o guleyî ameyî varnayene.  Hêrişê ke saetanê şewe de ameyî kerdene de vîndîbîyayeyê ganî çîn o. Çimeyanê cayîyan da zanayene ke topêkê hewanî îsabetê dewa Arap Hasanî, topêk zî îsabetê sînorê dewe û Cerablusî kerd.

Eşkerayîya serokkomarê dewleta tirkî ya îşxalkare R. Tayyîp Erdoganî ya ‘ma do zereyê çend rojan de rojakewtena Firatî rê harekat bidê destpêkerdene‘ ra dima Kîlîsî ra 200 wesayîtan ra konvoyêk ameye şawitene bi Cerablus. Goreyê çimeyanê cayîyan konvoyî de tanq û xeylî wesayîtê zirxinî estî.

Hetê bînî ra gama ke dewleta tirkî ya îşxalkare sînorê Vakurê Sûrîye de cemaya eskerîye viraştêne, herêma Şehba de ke sey Efrîn, Mare, Bab, Cerablus, Exterîn, Ezaz û Raî îşxal kerda seba di rojan halo îstîsnayî ame îlankerdene.

Goreyê çimeyanê cayîyan teqayîşanê vizêrî yê Ezaz, Raî û Babî ra dima heme çeteyî kewtê mîyanê têgêrayîşî. Merkezê bajarî de nobetî ameyî zêdîyayene û şarî ra ame vatene ke ê bananê xo ra mevejîyê.