Goreyê xebera ANHA dewleta tirke 2 baregehanê xo yê nizdîya bejrayîrê mîyanneteweyî yê M4î yê Eyn Îsayî de radarê pawitişî yê hewayî de ca kerdî.

ANHA dîmenê nê radaran zî pare kerdî. Dîmenan de yeno vînayene ke radar baregehê nizdîya dewa Seyda ya Eny Îsayî de  ameyo cakerdene. Yeno vatene ke dewleta tirke vera dronayan radarî nayî ro. Dewleta îşxalkere  par menga gulane de cepheyê şerî yê  herêmanê Cizre û Firatî de sîstemê radarî ca kerdîbî. Sîstemê radarî raştê wexto ke hêrişê dewleta tirke vera Eyn Îsayî zêdîyayî  ame. Eyn Îsa û bitaybetî zî rejrayîrê  M4î teşrîna peyêne ra nata binê hêrişan de yê. Dewleta tirke wazena  pê bombardumanan aver şiro.