Şarê Dêra Zorê pê rayraşîyayîşêkî paştî daye QSDyî

Şarê Dêra Zorê seba ke paştî bido QSDyo ke vera hêrişanê dewleta tirke û DAÎŞî têkoşîn keno rayraşîyayîşêk kerd.

Têgêrayîşê Ciwanan ê Şorişgêran seba ke paştî bido QSDyo ke vera hêrişanê dewleta tirke û DAÎŞî têkoşîn keno herêma Hecinî ya Dêra Zorê de pê şîarê 'pê ruhê ciwanî û îradeyê şarî ma do vera îşxalê tirkan ser bikewê'  rayraşîyayîşêk kerd.

Temsîlkarê dezgeh û rêxistinan û roniştoxê herême zî tewrê rayraşîyayîşî bîyî. Ciwanan dima eşkerayîyêke daye  û îfade kerd ke QSD vera DAÎŞ û dewleta tirke asayîşê herême paweno û şarê Dêra Zorê heta peynî hetê QSDyî de yo.

Çalakîye pê slogananê 'Ma hetê QSDyî de yê', 'Şehîdî nêmirenî', 'Cinîye, Cuye, Azadîye' qedîyaye.