Şarê erebî zî bi felsefeya Rayber Apoyî raştîya xo şinasnaye

Şarê erebî yo ke fikrê neteweya demokratîke û wayûbiratîya şaran a Rayberê Şarê Kurdî Abdullah Ocalanî seba xo sey roşnîye vînena, bale anceno girîngîya neteweya demokratîke ser.

Şarê erebî yê Sûrîye dima ke Rayberê Şarê Kurdî Abdullah Ocalan û têkoşînê azadîye şinasna dest pê têkoşînê xo kerd. Şarê erebî mîyanê têkoşînê PKKyî de cagirewt ke mîsalê ney o verê Ezîz Ereb o. Ezîz 1983 de tewrê gerîlayan bi û 3 serran ra dima şehîd bi. 

Rayberê Şarê Kurdî serranê 1980 û 1990an de herêmanê Sûrîye û Lubnanî de mend û o çax şarê erebî fikr û felsefeya ey şinasnaye. Serra 2010î de wisarê ereban ê Tunusî dest pêkerd. Reyna Şorişê Rojawanî tesîrê pêro herêmanê Sûrîye kerd. 

Ewro bi hezaran erebî perwerê fikranê Abdullah Ocalanî yê û seba azadîya ey kurdan reyde têkoşîn kenê. Şarê erebî vano ke wexto ke înan pawitişnameyê Rayberê Şarê Kurdî wendê felsefeya neteweya demokratîke û wayûbiratîya şaran zaf tesîrê înan kerdê.

Şarê erebî vano: ''Seba cuyêka azade ganî merdimî her asta cuye de têkoşîn bikero û wayîrê metod û têkilîyêka azade bibo. Rayberîye pawitişnameyan de bi analîzanê xo çareserîya meseleyan visnena çiman ver. Rayberîye heskerdiş, wayûbiratîye û hûrmetî xo rê kena esas. Mesajê Rayber Apoyî seke mesajê pêxamberî yê. Destpêkê serranê 90an de projeyê Rayberîye projeyê wayûbiratîye bi û nika zî wina yo. O pêro şar û bawerîyan rê hûrmet keno. No zî sosyalîzm bi xo yo.''