Hemwelatîyanê Kobanê derheqê hêrişanê dewleta tirke ya îşxalkere de ANFyî rê qisey kerd.

Hemwelatîyê bi nameyê Şêx Ehmed Hemoyî venga rayaumûmîya mîyanneteweyîye da ke hêrişanê dewleta îşxalkere vindarna û vat: ''Her roje dewleta tirke sivîlan qetil kena, waranê ma dana bombayan ver. Dewleta tirke wazena bi ajanan herême de alozîye veja û herême veng bikera. Wexto ke herême bêra vengkerdene dewleta tirke dest pê operasyon û qirkerdişan bikera. Vera hêrişanê Rojawanî ma do heta peynî têkoşîn bikerê û erdê xo war nêverdê.''

Ciwanê bi nameyê Murad Aloyî vat: ''Dewleta tirke wazena şaranê herême çin bikera la ma do heta peynî xo ver bidê, verê hêrişan bigêrê. Ma do qetî verê hêrişanê dewleta tirke de milê xo çewt nêkerê. Ma venga ciwananê Rojawanî danê ke wurzê payan ser.''

Roniştoxa bi nameyê Fatme Berkel vat: ''Dewleta tirke seba ke vera gerîlayan bin kewena hêrişê şarê Rojawanî kena. Dewleta tirke kena ke ma koç bikerê la ma do tim erdê xo ser de bimanê û heta peynî xo ver bidê.''