Qezayanê Til Temir û Zirganî yê Kantonê Cizîre  de bi seyan kesan  tecrîdê Îmraliyî û hêrişê Îşxalî yê vera Rojawanî şermezar kerdî.

Şaro ke verê banê Meclîsê Keyeyanê Şehîdan ê Til Temirî de ame têhet heta kuçeyê Şehîd Omer Baravî rayra şi. Hemkarê Hemserekanê Meclîsê Zirganî Xizir El Aliyî bale ante hêrişê îşxalî yê dewleta tirke yê vera herême ser û vat, ''Ma do paştî bidê hêzanê xo û nê hêrişan betal bikerê. Ma veng danê hêzanê huqûqî û mîyanneteweyî ke wa semedê azadîya fîzîkîye ya Rayberê Şarê Kurdî Abdullah Ocalanî bixebitê.''

Endama Kongreya Starî ya Til Temirî Ayhan Yûnis zî nê vatî:  ''Ma prosesê muhîm û hesasî ra ravîyarenê. Ganî şarê herême sebebê nê plananê leyminan bizano.  Erdogan vera gerîlayan bin kewt, coka wazeno şarê herême ra qesas bigêro.''

Çalakîye bi slogananê ‘Berxwedan jiyan e’ qedîyaye.