Şehba de hêrişê îşxalî yê dewleta tirke yê vera Başûrê Kurdîstanî û hemkarîya PDKyî ameyî şermezarkerdene. ''Rayraşîyayîşê Rûmetî''de vera îşxal û xayînîye semedê têkoşînê hemparî ame vengdayene.
''Rayraşîyayîşê Rûmetî'' ke Rojawan de 10ê hezîrane de herêma Cizîre de dest pêkerdene vizêr herêma Firat û Şehba de dewam kerd.
Heme qezayanê Şehba, Til Rifat û qezaya Şera Û Şerewa ra şar tewrê rayraşîyayîşî bi.Rayraşîyîş de bi sloganan xoverdayîşê gerîlayan ame selamkerdene û dima ra mîtîngêk ame kerdene.
Qiseykerdişan de bale ameye antene têşînê gerîlayan ê vera hêrişê îşxalî yê deweleta tirke ser û vatene ke ganî her kes paştî bido gerîlayan. Reyna vera tewirê PDKyî zî nêrazîbîyayîş ame ramojnayene û ame vatene ke PDK ewro reyna dişmenî xo reyde têgêrena ganî cade na xeletîye ra peyser game bierzo. Qiseykerdoxan veng da ke wa vera hêrişê îşxalî û xayînîye têkoşîno hempar bêro pîlkerdene.
