Keyeyanê Şehîdan ê Herêma Efrînî wird şehîdê verênî yê Efrînî Şehîde Silava û Şehîde Bêrîvane Nûjan yad kerdî.

Waya Şehîde Bêrîvane Rûhîne Qelendar vat: ''Şehîde Bêrîvane hema qijîya xo de tewra fikr û felsefeya têkoşînê azadîye bîye. A hema tûteke bîye ameye zewijnayene. Tûtêka ci estbîye. 2 serrî a mêrdeyê xo het de menda dima destpêk de tewra şorişî bîye. Embazan bire dabi ke kesê zewijnayeyî wa tewrê şerî nêbê la Bêrîvane israr kerd û tewra şerê Helebî bîye. Embazî binê tesîrê aye de mendî. Şerê Helebî ra dima Bêrîvane tewra şerê Basilî yê Şêrawa bîye û 28ê gulana 2013î de şehîd bîye.''

Dadîya Şehîde Engîzele Xedîce Elo vat: ''Destpêkê şorişê Efrînî de verî embazî Bêrîvane û Silava şehîd bîyî. Nê şehîdan rayîrê ma kerdî roşnî. Ma Efrînî ra ameyî vetene, goristanê ma uca de mendî. Labelê şehîdî tim hê zerrîya ma de yê.''

Endama Kongreya Starî ya Kampa Serdemî Salîhe Mihemed Fatê vat: ''Silava û Bêrîvane destpêkê şorişî de xo kerdî qurbanê şarê xo. Wirdemînan zî rayîrê têkoşîn û azadîye akerd. Silava û Bêrîvane bingeyo esas ê YPJyî aan kerd.''