Dewleta tirke ya îşxalkere 25ê kanûne de Qamişlo da bombayan ver. Bumbarduman de  Ferhan Xelef, Bêrîvane Zubêr, Mihemed Hisên Mihemed, Riad Hemo, Rinas Hemîd û Ferhan Temê şehîd bibî. Cenazayê şehîdanê ke morgê taxa Enteriyê ra ameyî girewtene bi rayraşîyayîşê ke bi hezaran kesî tewrê ci bîyî ameyî berdene Şehîdgehê Şehîd Delîl Saruxanî.

Kantonê Cizîre bi hezaran kesî tewrê merasîmî bîyî. Dezgehê komelê sîvîlî, dezgehê xizmet û weşîye, Kongre Star, Kongreya Îslamê Demokratîkî, îdarekar û endamê partîyanê sîyasîyan zî merasîm de cayê xo girewt. Cenazayê şehîdan bi gulan ameyî xemilnayene û  sloganê sey “Qesas ”, “Şehit Namirin”, “Berxwedan jiyan e” ameyî vatene.

Şehîdgeh de badê deqayêk rêzgirewtişî Endama Konseya Hemserekîye ya PYDyî Foza Yûsif qisey kers. Foza Yûsif keyeyanê şehîdan û şarê Rojawanî rê serweşîye waşte, birîndaran rê şîfa waşte û vat, ''Kenê ke îradeyê ma bişiknê, projeyê ma yê demokratîkî çîn bikerê. Dewleta tirke bi hêrişanê xo yê peyênan kena ke binkewtişê xo binimno. Koyanê Kurdîsanî de gerîlayan ra derbeyê girdî werdî. Vera têkoşînê şaran de binkewtişanê tarîxî, leşkerî, sîyasî, dîplomatîk û ekonomîk ciwîyena. Doman, ciwan, cinî, extîyar, heme grûbê komelî, mekteb, fabrîka û binawanîyê ma bêmabên hedefê dewleta tirke de yê. Wa dewleta tirke û dinya bizano ke şarê ma do çirey bin mekewo.  Îradeyê şarî qerarê têkoşînî dayo. Têkoşînê ma do bi serkewtişî tacîdar bibo. Erdogano dişmenê merdimîye do bin bikewo. Ma do qesasê xo kiştoxan ra bigêrê.''

Hemserekê Kongreya Îsmalê Demokratîkî Mela Mihemed Xerzî zî bêvengîya hêzanê mîyanneteweyî û welatanê ereban a vera hêrişê dewleta tirke yê vera mislimanan û şarê  herême şermezar kerd û vat, ''Ganî komelê îslamî û xirîstîyanan vera sûcanê Erdoganî ke vera Rojawanî keno tewir bigêro.''

Dima ra domenêkê bi nameyê Lareysa Azab şîîrêke wende û mîyanê şarî ra slogana ''Qesas''î bîye berze. Merasîm de belgehê şehîdan ameyî wendene û teslîmê keyeyanê înan bîyî.

Cenazayê Ferhan Xelef, Bêrîvane Zubêr, Mihemed Hisên Mihemed, Riyad Hemo û Rinas Hemîdî Şehîdgehê Delîl Saruxanî de ameyî definkerdene.

Canazaya şehîd Ferhan Temê do Şehîdgehê Şehîd Dilşîrî yê qezaya Tirbespiyê de bêro definkerdene.Canazayê Şehdî Ayya El Sebawî û Şehid Faris El Farisî zî bi waştişê keyeyanê înan dewa Um El-Fursanî yê Qamişloyî de ameyî definkerdene.