Merkezê Îrtbat û Çapemenîye yê YPJyî pêhesnayene ke şervana înan Cûdî Egî (Tugba Karakoç) 11ê gulane de hêrişê droneyê çekdarî yê dewleta tirke de şehîde bîye û nê vatî:

“Şorişê Cinîyan ê Rojawanî semedê heme cinîyan ê ke wazenê bibê azad bi hêvî. Na herra bimbareke zaf cinîyan ê qehremanan rê şahîdîye kerde. Sînorê îqtîdarî bi Şorişê Rojawanî bîyî bêmana. Bi têkoşînê cinîyan ê qehremanan yewîya şaran newe ra bi ganî.

Hemraya ma Cûdî Egîd (Tugba Karakoç) 1995 de Amed de keyeyêkê welatperwerî de yena dinya û bi tradîsyonê welatperwerîye bena pîl. Seba ke di birayê ci tewrê têgêrayîşê azadîye benê, a zî zaf binê tesîrê ci de manena û 2013 de verê xo dana koyanê azadan. Koyanê Kurdîstanî de tecrubeyê girdî pêser kena û tim xeyalê Kurdîstanê azadî kena. Bi na hêvî xo hetê leşkerî û îdeolojî ra aver bena. Hemraya ma Cûdî rîyê hêrişanê çeteyanê DAÎŞÎ ra verê xo dana Rojawanê Kurdîstanî û sefanê YPJyî de cayê xo gena. Roja verên a sefanê şorişî ra heta hela peyêne bi coşê girdî têkoşîn kena. Rixmê heme zehmetîyan semedê afirnayîşê komelêkê azadî bi ruhêkê fedayîyî barê şorişî gena ermanê xo ser. 

Hemraya ma Cûdî 11ê gulane de hêrişê dewleta tirke ya îşxalkere yê bi droneyanê çekdaran ra şehîde bîye. Dewleta tirke bi nê hêrişan kena ke serkêşanê şorişê cinîyan ê Rojawanî tasfîye bikero. Şoriş serkêşîya cinîyan de avêr şino û na raştîye sey Erdoganî dişmenanê ma tersnena. Têkoşînê ma yo ke bêmabên aver şino zaf cinî camêrdê jîhatî afernayî. Hemraya ma Cûdî zî sey nê qehremananê bêhûmaran ra yewe heta nefesê xo yê peyênî vera zîhnîyetê qirker û îşxalkerî têkoşîn kerd. Ma soz danê şehîdanê xo ke ma do ameyoxê azadî ronê. Ma sere de keyeyê welatperwerî yê Karakoçî yê şehîda ma, heme şarê welatperwerî yê serweşîye wazenê. Sozê ma do qesas bo.”

Nasnameyê şerwana ke şehîde bîye wina yo:

Nameyê Qodî: Cûdî Egîd
Name û Peyname: Tugba Karakoç
Nameyê Dayîke: Muzeyyene
Nameyê Babîyî: Mehmet Sadik
Tarîx û Cayê Bîyayîşî: 1995/Amed
Tarîx û Cayê Şehadetî: 11.05.2023/Çelebiyê.”