Projeyanê Şorişê Rojawanî ra 'Şopdarê Rojê' her roje Rojawanî ra gêreno û heta nika 27 kitabî amade kerdî. Xebata Şopdarê Rojê 2018 de dest pêkerd. 

Şopdarê Rojê serebûtê şorişî qeyd kerdî, xo resna komelî, hîkayeyê şehîdan û keyeyanê înan arê dayî û hîkayeyê taybetî ardî pêser. 'Şopdarê Rojê' wazeno tarîxo ke bi destê îqtîdarî nusîyayo, biresno neslanê neweyan. Şopdarê Rojê heta nika 27 kitabî amade kerdî û nînan ra 6 hebî seba çapkerdişî amade yê.

Şopdarê Rojê ra Sena Hecî bale ante girîngîya edebîyatî û xebata înan ser û vat: ''Edebîyat o huner o ke raştîye vejeno verê çiman. Eke xoverdayîşê xeylêk şaran nêamebi nuştene, komel do nê nêzanayêne. Xoverdayîş û têkoşîn, çêrî û zulm bi edebîyatî yenê vatene. Edebîyat xoresnayîşê dinya yo.''