Bi wesîleya serrgêra 5. ya azadbîyayîşê Minbicî bi coşî pê şayîyêke ameye fîrazkerdene.Endam, leşker, temsîlkarê partîyan û heyetêkê Îdareyê Xoserî tewrê şayîye bîyî.

Şayîye pê deqayêkê rêzgirewtişî dest pêkerd. Hemserekê Meclîsê Îdareyî yê Minbicî Mihemed Xêr Şêxoyî şayîye de qisey kerd û ard ziwan ke ê pê tewirê şehîdan sereberz ê. Hemserekê Komîteya Kar û Baranê Komelî yê Rojawanî Farûq El-Maşî, Meclîsê Leşkerî yê Minbicî Şervan Derwîşî, Endama Meclîsê Partîya Ameyoxî ya Sûrîye Hind Dagistanî û Vervatoxê Kombîyayîşê Cinîyan ê Minbicî Nesrîne El-Elî zî şayîye de qisey kerd. Pêro qiseykerdoxan oare kerd ke vera hêrişanê îşxalî xoverdayîşê înan do dewam bikerê.

Şayîye pê şîîr, deyîr û govendan qedîyaye.