Meclîsê Leşkerî yê Babî pare kerd ke dewa Yaşlî ya Babî de çalakîya cewabdayîşî de 12 leşker û 10 cergê dewleta tirke ya îşxalkere ameyî kiştene.

Derheqê çalakîye de na eşkerayîye dîyaye:

''19ê tebaxe de netîceya hêrişê dewleta tirke ya îşxalkere de Endama Konseya Leşkerî ya QSDyî û YPJyî Sosine Bîrhat, Egîd Girkê Legê û 2 şerwanê Meclîsê Leşkerî yê Til Temirî şehîd bibî. Heman roje  rayîrê Elî Feroyî de netîceya hêrişê vera wesayîtêkî de zî Endamê Fermandarîya Konseya YPGyî embaz Rênas Roj şehîd bibi.

Hêrişê dewleta tirke ya îşxalkere yê vera herême bêmabên dewam kenê û nê hêrişan de doman û cinîyî zî tede xeylêk sivîlî mirenê û birîndar benê. Vera nê hêrişan hêzanê ma çalakîyêka cewabdayîşî ya serkewte kerde.

7ê êlula 2021î de hêzanê ma qereqolê dewa Yaşlî ya Babî de ke tede 60 leşkerê artêşa tirke û cergê ci manenê kerd hedef û da 3 çeperanê dişmenî ro. Çalakîye pê teqayîşêkê bitesîrî dest pêkerde. Netîce de beşêko pîl ê qereqolî, makîneyê zirxînî û çeperî ameyî îmhakerdene. Mewzî, wesayîtê zirxînî û çekê giranî ameyî pirodayene û derbêka pîle ameye dayene artêşa tirke ya îşxalkere ro.

Çalakîye de goreyê tesbîtanê ma 12 leşkerê tirkî kişîyayî, 3 leşkerî bi giranî 1 leşkerê tirkî birîndar bîyî. 10 cergê înan kişîyayî û 10 cergî zî birîndar bîyî. 3 panzer û 2 wesayîtê kîrpî yê dimenî, awanî, mewzî, çekê giranî, wesayît û malzemeyê leşkerî zî ameyî îmhakerdene û vêşnayene.

Netîceya çalakîye de têna embazêkê ma birîndar bi, hêzê ma weş û war agêrayî baregehanê xo.

Pawitişê Rojawanî erkê ma yo verên o. Ma do cewabê pêro hêrişan bidê.''