Yewîya Pawitişê Cinîyan (YPJ) 4’ê Nîsane 2013’î de ameyebî awankerdene. YPJ’yî vera DAÎŞ’î şerêko pîl da û bî serkewte. Bi wesîlaya serrgêra 4’ine ya awanbîyayîşê YPJ’yî, fotografê qehremananê YPJ’yî, bajaranê Rojawanî de ameyî dardekerdene.

Şerwananê YPJ’yî ra Zîlan Welate, derheqê 4’ê de Nîsane wina va: ”Seba ma di manayê 4’ê Nîsane estê; Hem roja rojbîyayîşê Rayberê ma ya û hem zî roja awanbîyayîşê YPJ’yî ya. Ez hem rojbîyayîşê Rayber Apoyî, hem zî awanbîyayîşê YPJ’yî pîroz kena û vana 4’ê Nîsane yê pêro şarê Kurdî û cinîyan pîroz bo.”