Şemse El Hemût û lajê ci Tamir Haşim El Etawî herêma Baxozî ya Dêra Zorê de ciwîyenê û wextêk bîyî mexdûrê hêrişanê DAÎŞî.

Şemsa 55 serre dadîya 6 domanan a. Lajê ci Tamir felç o û nêeşkeno şoro. Dayîke Mese seba ke debarê keyeyê xo bikera zîlan arê dana û pê hacetan virazena. Dayîke Şemse 4 serrî yo nê karî kena û her metreyê zîlî pê heqê 2,3 hezar lîraya Sûrîye roşena.

Semedo ke hêrişanê DAÎŞî de keyeyê înan xera bîyo ê zî keyeyê neweyî de birînanê xo derman kenê. Dayîke Şemse vana: ''Wexto ke DAÎŞ tîya de bi nêverdayêne ez bixebita. Ma çarşefo sîya xo rê kerdêne û cayanê girewteyan de xebitîyayêne. No ca DAÎŞî ra ame xelisnayene, nika ez pê serbestî verê keyeyî de xebitîyena.''

Tamir 2014 de Lubnan de wexto ke xebitîyayêne îskele ra ginayo war û felç mendo. Wexto ke DAÎŞî Dêra Zorê îşxal kerdbi Tamir wazeno biremo Qamişlo û dest pê raywanîyêka zore keno. Rejîmê Îranî ci rê teda keno. Tamir 2 mengan Şam de tepişte maneno û dima ke 800 hezar lîraya Sûrîye dano vera dîyeno.

Wexto ke Dayîke Şemse zîlan virazena Tamir zî hetkarîya ci keno. Dadî û laj rixmê hende zulmî zî erdê xo de pê şayî ciwîyenê.