23’ê Adare de, rayîrê Hesekê- Serêkanîye de wesayîtê Bayram Namazî rê bi suikast hêriş amebi kerdene û Namaz qewimîyayîş de wefat kerdbi. Bayram Namaz temsîlkarê Partîya Marksîst Lenînîst a Komunîste yê Rojawanî bi û cenazeya ci bi beşdarîya seyan kesan, bi merasîmêkê  pîlî ameye wedardayene.

Cenazeya Namazî, hetê temsîlkaranê TKP ML/TÎKKO, DKP/YEWÎ, DKB/BOG û SYPG’yî ra, Nêweşxaneyê Rojî ra, bi slogana nameye girewtene.  Girseye,  seba ke cenaze bêro wedardayene arde şehîdgehê Serêkanîye. Şerwanê YPG-YPJ, QSD û şerwananê enternasyonalîstî Şehîdgehê Serêkanîye de, bi merasîm vera cenazeya Namazî şîyî.

Merasîmê cenaze de endamê Meclîsê Keyeyanê Şehîdan ê Hesekê Mihemed Xetîbî, bi nameyê MLKP’yî Vîyan Îsyane, Fermandaranê YPG’yî ra Alîşer Denîzî, bi nameyê TKP ML/TÎKKO’yî Cemîl Amedî, bi nameyê DKP/Yewîyî Ceren Guneşe, bi nameyê DKB/BOG’î Tufan Keleşî, bi nameyê Meslîsê Keyeyanê Şehîdan ê Asurîyan Cemîla Kakoye û bi nameyê SYPG’yî Muhammed Muhammed Qasemî qiseykerdişî kerdî.

Qiseykerdişan de keye û embazanê Şehîd Baran Serhatî rê serweşîye ameye waştene.  Qiseykerdişna ra dima peyamo ke hetê keyeyê ey ra ameyo erşawitene ame wendene û şiîrê Baran Serhatî zî ameyî wendene. Belgeya Şehîd Bayram Namazî ya şehadetî hetê Berîtan Asyaye ra ameye wendene û belge dîyayê keyeyanê Halît û Rojîne yê Serêkaniyeyijan. Mersaîm, wedardayîşê cenazeye ra dima bi sloganan qedîya.