Êzidîyê Efrînî yê ke rîyê îşxalkerî û talanê dewleta Tirkî û çeteyanê ci ra mecbur herêma Şehbaye de ca bîye, roşanê Çarşema Sorî bi şayîyêka girseyî pîroz kerd.

Êdîyanê Efrînijan ard ziwan ke, kotî benê wa bibê ê do kulturê xo ra wayîr bivejîyê, roşanê xo pîroz bikerê û derheqê na babete de ANF’yî rê qisey kerd.

Endama Rayberîya Yewîya Cinîyanê Ezdîyan a herêma Efrînî Gulê Cefo roşanê Çarşema Sorî yê Rayberê Şarê Kurdî Abdullah Ocalanî û keyeyanê şehîdan, şerwananê têkoşînê azadîye û xoverdayoxanê grevê vêşanîye pîroz kerd.

Cefo ard ziwan ke, kotî benê wa bibê ê do roşanê xo pîroz bikerê û vat, “Nika ma roşanê xo pîroz kenê, labelê çi heyf ke teberê bajarê xo de. No roşano dîyin o ke ma Şehba de pîroz kenê. Roşan destpêk de bi xemgînîye derbaz bi, la roşanê nikayî bi coşêkê girdî derbaz beno. Seba ke ma waşt bimojenê dinya ke ma qetî dest welat û rêça xo ra ranêverdanê.”

Ciwana Êzîdija bi nameyê Silava Sîdo zî vat, “Ma bi şayîyêka girde roşanê Çarşema Sorî pîroz kenê. Wa dişmen bizano ke ma kotî bibê zî ma do çalakîyanê xo bivirazê.”

Mamosteyê Gruba Ezdahî Şukrî Ebdoyî zî roşanê Çarşema Sorî yê Rayberê Şarê Kurdî Abdullah Ocalanî pîroz kerd û vat, kotî de benê wa bibê ê do roşanê xo pîroz bikerê.