Dewleta tirke ya îşxalkere 1ê hezîran a 2022yî ra nata dest pê tehdîtanê neweyan yê vera Rojawanî kerd. Her çiqas bêro vatene ke destûrê înan çîn o hêriş bikerî zî hêrişê vera herême zêdîyayî. Nê aşmanê peyênan de 1420 rey hêriş ame kerdene  û nê hêrişan de 23 kesî şehîd  bîyî, 57 kesî zî birîndar bîyî.

Çeleyê 2022yî ra nata 3761î ra zafêr hêrişî ameyî kerdene. Nê hêriş û bombardumananê vera herême de 33 kesî şehîd bîyî 124 kesî birîndar bîyî. Hêrişê ke mîyanê serre de bi dron, tanqan, topan û çekanê cîya cîyayan bîyî wina yê;

Aşma çeleyî de 387 rey vera Rojawanî hêriş ame kerdene. Nê hêrişan de 25 sîvîlî birîndar bîyî.

Aşma sibate de dewleta tirek û çeteyanê ci 432 rey hêrişê Rojawanî kerd. Nê hêrişan de 2 sîvîlî birîndar bîyî û 16 sîvîlî zî birîndar bîyî.

Aşma adare de 288 rey hêrişê îşxalî ameyî kerdene. Nê hêrişan de 10 sîvîlî birîndar bîyî

Aşma nîsane de artêşa tirke ya îşxalkere 529 rey hêrişê Rojawanî kerd. Nê  hêrişan de 4 kesî şehîd bîyî û 9 kesî birîndar bîyî.

Aşma gulane de artêşa tirke û çeteyanê ci 711 rey hêrişê Rojawanî kerd. Nê hêrişan de 2  kesî şehîd bîyî û 7 kesî birîndar bîyî.

Aşma hezîrane de îşxalkeran 451 rey hêrişê Rojawanî kerd. Nê hêrişan de 3 kesî şehîd bîyî û 12 kesî birîndar bîyî.

Aşma temmuze de artêşa tirke îşxalkere û çeteyanê ci 363 rey hêrişê Rojawanî kerd. Nê hêrişan de 7 kesî şehîd bîyî û 25 birîndar bîyî.

Aşma tebaxe de artêşa tirke ya îşxalkere 600yî ra zafêr hêrişê Rojawanî kerd. Nê hêrişan de 15 kesî şehîd bîyî û 20 kesî birîndar bîyî.