Bombardumanê vera dewanê Şehba de 3 kesî birîndar bîyî
Dewleta tirke ya îşxalkere xeylêk dewê Şehba û Efrînî dayî bombayan ver. Hêrişê vera dewa Şeale ya Şehba de eynî keyeyî ra hîrê kesî birîndar bîyî.
Dewleta tirke ya îşxalkere dewê Şeale, Ayn Deqnê, Bêlûniyê, Minix, Nêrebiyê, Til Anab, Îm el Ebedî yê Şehba û dewa Şewarqa ya Şera pê topanê giranan dayî bombayan ver.
Dewa Şeale de netîceya bombardumanî eynî keyeyî ra Mihemed Mistefa (50), Emîne Bilêc (45) û Rûslîn Mistefa (16) birîndar bîyî û dewanê bînan de xesaro madî vejîya werte.
Dewleta tirke dewa Socanekê ya qezaya Şêrêwa de zî nuqtaya hêzanê hukmatê Şamî dayî topan ver.
