Bajarê Enteriyê yê Qamişlo de vizêr hetê Koordînasyonê Ciwananê Kurdan ra çalakîyêk ameye organîzekerdene. Çalakîye de yewîya ciwananê 17 partîyan û 5 rêxistinanê ciwanan ameye ronayene û rayîraşîyayîşêk ame viraştene.

Çalakîye de ciwanan bi pankartê Yewîya Ciwananê Kurdan Temînatê Azadîya Kurdistanî ya kirişt û bi sloganan polîtîkaya hêrişkare ya dewleta Tirkî ya vera Kurdan şermezar kerde.

Ciwanan bado zî bi nameyê ronayîşê yewîya ciwanan eşkerayîyêk daye.

Eşkerayîye de ca dîya nînan: ‘‘Dewleta Tirkî ya îşxalkare bi komploya pîle wazena ke heme qezencanê ma çîn bikero. Ma tîya de wayîrê hêz, tarîx û îradeyî yê. Çew nêeşkeno bi tehdîtanê îşxalî ma bitersno. Dişmenan seba parçekerdişê hêzê Kurdan, Kurdistan kerdo çar lete û ewro nêwazenê ke Kurdistan yew bo. Bi yewîya ciwanîya Kurde do îşxalkarîye bêro parçekerdene û Kurdistan azad bo.‘‘

Koordînasyonê Ciwananê Kurdan da zanayene ke înan seba tewrbîyayîşê yewîya ciwanan veng dayo ciwananê ENKS, Pêşverû û Wexde zî la nînan ra cewabêk nêgirewto.