Goreyê xeberanê ke çimeyanê cayîyan ra ameyî girewtene dewleta tirke ya îşxalkere qezaya Cindirêsî ya  Kantonê Efrînî de çar kesî remnayî.

Kesê ke aqibetê înan nîno zanayene nameyê înan wina yê: Dewa Celemê ra Mehmûd Hîla Xelef (28),dewa Aşka Şerqî ra Hisên Ebdurehman Hiso,  qezaya Cindirêsî ra  Elî Mihemed El Kerîm (38) û  Xelîl Hisên Hiso (34).

Dewleta tirke bi hewyêkê sîstematîkî herêmanê îşxalkerdayan de sûcê şerî kena. Sûcê sey remnayîş, îfaz, îşkence, fidye, xesp, talanî rojane yenê kerdene.