Dewleta Tirkî sey serranê 2016-2017’î çeteyanê DAÎŞ’î yê ke remayê Tirkîya û herêmanê îşxalkerdeyan ê Sûrîye, bi nameyê ‘OSO’yî newe ra organize kena.

Goreyê hayidarîyanê ke ameyê girewtene; Bajarê Babî bîyo merkezê newe ra komkerdiş, organîzekerdiş, biçekkerdiş û bicakerdişê çeteyanê herême. Çeteyê DAÎŞ’î binê nameyanê cîyayan de Efrîn, Şehba û dorê Minbicî de ameyê bicakerdene. Qismêk nê çeteyanê DAÎŞ’î Îdlib rê ameyê hewilnayene. Çeteyê DAÎŞ’î Efrîn, Bab, Ezaz, Cerablûs û cayanê bînan de hetê dewleta Tirkî ra ameyê bicakerdene. Nasnameyê tayê nê çeteyan ê DAÎŞ’î ameyî tespîtkerdene. Çeteyê DAÎŞ’î sere de Bab de yenê pêserdayene û dima ra mîyanê komanê cîyayan de yenê vilakerdene. Nê karî ra MÎT mesuldar o. Bab seba ke merkezê herêmanê Minbic, Heleb û Efrînî de yo û seba halê xo yê kaotîkî ameyo tercîhkerdene.

Berê Sînorî yê Elbeylîyî

Çeteyî berê sînorî yê bajarekê Raî yê Babî û berê sînorî yê Elbeylîyî yê vernîya Raî ra yenê ravêrtene. Berê sînorî bi temamî hetê MÎT’î ra yeno kontrolkerdene.

Çeteyê El Emşadî

Binê nameyê “multecîtî” de di mengî yo ke endam û keyeyê çeteyanê DAÎŞ’î û El Nûsrayî Îdlib ra yenê ravêrtene bi Efrînî. Rûsya no hal tesdîq kerdo.

Çeteyê El Emşadî bi DAÎŞ’îyan Îdlib ra ravêrtî Efrîn û menga verî Adare de kombîyayîşêk ame viraştene. Tîya de qerar ame girewtene ke çeteyi El Emşad de zî bêrê bicakerdene.

DAÎŞ'î heta nika tewr zaf mîyanê komanê çeteyan ê bi nameyê Sûltan Mûrat, Ehrar Şam, Ehrar El Şarqîye, Tûgayê Hamza, Tûgayê Sûltan Suleyman Şahî de ameyê bicakerdene.

Çeteyê Daîş'î Yê Ke Nasnameyê Înan Ameyê Tespîtkerdene:

Xalid Turkî Elhesen, Husam Resul Rehmawî, Hemza Memdoh Elmetrûd, Sehed El-Sehed, Ebud Elî Ubêd Eladî, Tariq Ebdullah Eqreb, Elî Yûsif Elselama, Mûsena Ayêd El Mixêndî, Fadî Hesen Elhisên, Seyif Polat, Mihemed Ehmed Şibilî, Şewket Xoca Semawî, Mehmud Heran, Îsa Elmihemed, Ebdulrezaq Elcerah, Tariq Xalid Elzahir, Îsmail Fîras Elebar, Basil Nayif El Şihab, Newaf El Xelûfî, Îsmaîl Mehelî Tirkmenî, Mihemed Elî Ceban, Mihemmed Birahîm El Xidir, Fadil Hemze El Hindawî, Ehmed Salih El Togan û Mihemed El Emîn Eswed.