Goreyê Keyeyê Çimdarîye yê Heqanê Merdiman ê Sûrîye (SOHR) roja dişemeyî, cerganê DAÎŞî herêma Reqa de hêrişê hêzanê leşkerîyan ê hukmatê Şamî kerd. Hêrişan de 6 leşkerî birîndar bîyî, 10 leşkerî merdî, wesayîtê leşkerî û prefabrîkayî ameyî vêşnayene.

Rojhelat û başûrê Reqa binê kontrolê hêzanê Şamî de yê, vakurê Reqa zî binê kontrolê Îdareyê Xoserî de yo.

Cerganê DAÎŞî Reqa sey 'paytextê xalîfatîye' îlan kerdbî, tede qirkerdişê pîlî kerdbî la dima Reqa 2017 de hetê QSDyî ra amebî azadkerdene.

Roja yewşemeyî zî vakurrojawanê Sûrîye de hêrişan de 6 leşkerê Şamî merdbî.