Dadîyanê şehîdan bi hêrsêkê pîlî tewirê xo vera hêrişanê Dewleta Tirke yê vera Rojawanî mojna û îşxalkerî şermezar kerdî.

Dadîya şehîde Dara ya bi nameyê Zeloxe vat: "Ma keyeyê xo de bîyî. Rîyê hêrişan ra ma keyeyê xo ra dewa xo ra vejîyayî. Seba ke ma kurd ê tim hêrişê ma kenê. La nê dewletî nêeşkenî seba ke hêrişan bivindarnê çareserîyêke bivînê? Ganî hînî her kes kom bibo û hesab bido nê şarî. Ê her tim xîret kenî ke şarê kurdan çin bikê."

Dadîya şehîd Mehmûdî ya bi nameyê Cîhane vat: "Ma keyeyê ma ra vetî, domanê ma kiştî, keyeyê ma talan kerdî. Ma qet hêrişê kesêkî nêkerd û kesêkî reyde şer nêkerd. La Dewleta Tirke bi nê hawayî wazena kurdan çin bika, qir bika. Ma kurdî ma se kerd înan? Domanê ma roşenê ma danê kiştene, Dewleta Tirke ma ra çi wazena? Serêkanîye vêşnaye bi çekanê kîmyewîyan hêrişê ma kerd. Ma xoverdayîşê xo seba rûmetê xo, seba domananê xo dewam kenê. Ma kurdî qet heqanê xo ra fek vera nêdanê û mergî ra qet nêtersenî. Dinya de çen heb kurd esto ganî bibo yew. Hînî bes o nê dewletan rê."