Ciwanan bajarê Dêrikî yê Rojawan de pê çalakîyêke PDK şermezar kerd ke paştî dano hêrişê dewleta tirke yê vera Herêmanê Pawitişî yê Medya.

Rayraşîyayîşo ke verê Merkezê Ciwanan ê Dêrikî dest pêkerd de bi sloganan hemkarîya PDKyî ya bi dewleta tirke ameye şermezarkerdene. Dima ra Meydane Azadîye de mîtîngêk ame kerdene. Mîtîngo ke bi rêzgirewtişî dest pêkerd de Endamê Têgêrayîşê Ciwanan ê Şorişgêran Orhan Hesenî qisey kerd. Hesenî vat: ''Heta ke tecrîdê serê Rayber Apoyî bêro wedaritene û o bibo azad ma do têkoşîn bikerê. Seba ke 7 gerîlayî şehîd kerdî ma PDKyî şermezar kenî.''