Endama Fermandarîya Pêroyî ya YPJ-QSDyî Sozdare Dêrik bi wesîleya serrhêra diwêsîne ya Şorişê Rojawanî ANFyî rê qisey kerd.

Sozdare Dêrik destpêk de Şorişê Rojawanî Rayberê Şarê Kurdî Abdullah Ocalanî, şehîdanê şorişî, têkoşeran, şar û pêro dadîyan rê fîraz kerd.

Sozdare Dêrik ard ziwan ke Şorişê Rojawanî yê 19ê Temmuze bi keda cinî û xoverdayîşê cinîyan ameyo kerdene û vat: ''Şorişê ke bi destê cinîyan virazîyenê bin nêkewenê. Cinîyî tim serkêşîyê komelî kenê. Şorişê 29ê Temmuze Kobanê de bi qîrayîşê embaza ma Jînda dest pêkerd. Bi serran o mîyanê şorişî de cinîyî ked,  fedakarî û xoverdayîşêkê pîlî kenê. Şarê ma zî bi hawayêkê tewr holî tewrê nê prosesê şoriş û têkoşînî bi. Şoriş bê bedel û dejan nêbeno. Ma zî dejê pîlî antî. Ma vera rêxistinanê sey DAÎŞ û El Nûsrayî şer kerd. Şorişêko ke wayîrê rêxistinîyayîşêkê xurtî û stratejîyêka şarî yo mumkîn nîyo de birijîyo. 

Ma bi kede û têkoşînê şarê xo resayî nê rojan. Ma bîyî wayîrê îradeyê xoîdarekerdişî. Ganî ma wayîrê nê îradeyî vejîyê. Ewro hêzê dişmenî wazenê şorişê ma tasfîye bikerê. Ma çew sey dişmenî îlan nêkerd. Ma teyna îrade û erdê xo pawenê. Naye ra pey zî têkoşînê ma wina do dewam bikero. La ma do vera hêrişanê serê ma bêveng  nêmanê. Heta roja ewroyîne ma paştîya xo da şarê xo coka şorişê ma ser kewt.''

Fermandare Sozdare îfade kerd ke ê bi coşî serrgêra Şorişê 19ê Temmuze pêşwazî kenê û vat: ''Beno ke serranê verê ma de ancî ma do hêrişan de têrî bimanê. Nê warî de ganî ma her hela xo biercnê. Ganî ma xo hêrişan rê amade bikerê. Ganî her kes nê şorişî bipawê. Vera ma şero taybet yeno kerdene. Erdogan xeylêk welatan de pêvînayîşan kenı ke şorişê ma tasfîye bikero. Ma do destûr nêdê ney. Ma vera pêro polîtîkayanê înan vinderê. Nê esasî ser o ma Şorişê 19ê Temmuze şarê xo û şaranê Sûrîye rê fîraz kenê. Nê prosesanê verê ma de, ma do bi şorişanê hîna xurtan û pîlan şarê xo bipawê.''