Ciwananê Efrînî dîyar kerd ke se beno wa bibo ê do seba azadîya Rayberê Şarê Kurdî Abdullah Ocalanî têkoşîn bikerê û vat: ''Ganî ciwanê Rojhelatê Mîyanênî seba azadîya Rayber Apoyî xebatanê xo bizêdînê.''
Ciwananê Efrînî bi wesîleya serrgêra 25ine ya Komployê 15ê Sibate ANFyî rê qisey kerd.
Endamê Têgêrayîşê Ciwananê Şorişgêran ê Efrînî-Şehba Foad Hesenî vat: ''Seba beno wa bibo ma do seba azadîya Rayber Apoyî bixebitê. Sey ciwanan tewirê ma dîyar o; ma do qetî azadîya Rayberîye bîyarê ca. Rayber Apo 25 serrî yo zîndan de seba ma xo ver dano. Ganî ma zî seba azadîya Rayber Apoyî çar parçeyanê Kurdîstanî de yew bibê û serra 2024î bikerê serra azadîya Rayberîye.''
Endama Têgêrayîşê Ciwananê Şorişgêran ê Efrînî-Şehba Zelale Ebdo vat: ''Komplogeran waştbi ke bi tepiştişê Rayber Apoyî pêro Kurdîstanî û Rojhelatê Mîyanênî bêçare bikerê. Seba ma 15ê Sibate roja reş a. Seba ke verê xo roşnî bikerê ganî ma Rayber Apoyî azad bikerê. A raşte îşxalê Efrîn, Serêkanîyê û Girê Sipî parçeyê Komployê Mîyanneteweyî yê. Coka ganî ciwanê Rojhelatê Mîyanênî seba azadîya Rayber Apoyî xebatanê xo bizêdînê.''
Endamê Têgêrayîşê Ciwananê Şorişgêran ê Efrînî-Şehba Cemal Mihemedî vat: ''Komplo esasê xo de teyna vera Rayber Apoyî nêame kerdene. Komplo vera şarê kurdî û pêro ciwananê kurdan ame kerdene. Sey ciwanan erk û mesuldarîya ma ya ke ma azadîya Rayber Apoyî bîyarê ca. Ma do felsefe û fikranê Rayber Apoyî her cade vila bikerê.''
