Dewleta tirke 2017 ra nata bi hawayêkê sîstematîkî awa Çemê Firatî yê Rojawanî birnena. Serra 2020î ra nata ganî sanîyeyêke de 500 metre kup awe biameyêne herême şa dewleta tirke têna 200 metrekup awe dana. 28ê çeleyê 2021î de zî dewleta tirke se ra 60 awa Rojawanî birnaye.

3 bendê Çemê Firatî Rojawan de estê; Bendawa Rojawanî, Bendawa Azadîye û Reqa. Seba şarê Sûrîye Çemê Firatî çimeyê cu yo. Şar na awe hem şimena hem zî pê zîret kena û hewcedarîya xo peyda kena. Reyna dormeyê Çemê Firatî de merdimî pê masêgerîye debarê xo kenê.

Goreyê peymana 1987î ya ke mabênê Tirkîya û Sûrîye de amebî kerdene ganî her roje 500 santîmetrekup awe bêra dayene Rojawan (Sûrîye). Tirkîya menga remezanî ya 2017î de awe birnaye.

Birîyayîşê awe ra herême de ceyran zî nêno berardene. Hemwelatîyî pê qerfilîyenê ke Tirkîya awe binî ra bibirna.

Rojawan de ke zêdêr tede varan nêvareno, dewleta tirke tim awa Çemê Firatî sey hacetê şerî xebitnena û bi nê hawayî qanûnan û peymananê mîyanneteweyîyan binpay kena.