Goreyê xebera ANHA Vervatoxê Rêxistina Heqanê Merdiman a Efrînî Îbrahîm Şêxoyî bîlançoya sûcanê dewleta tirke eşkera kerde.

Şêxoyî da zanayene ke destpêkê serra 2022î ra nata dewleta tirke ya îşxalkere 25 hemwelatîyê Efrînî remnayî û nêzdîyê 900 zeytunêrî birnayî. Şêxoyî ard ziwan ke dewleta îşxalkere 2 cayê tarîxî yê Efrînî wêran kerdî û diznayî.

Şêxoyî vat: ''Dewleta tirke binê nameyê komîteyan de rayaumûmîye xapînena û xîret kena ke sûcanê xo mîyan bikera. Cergê Sultan Silêman Şahî (El-Emşat) bi fermanê îstîxbaratê tirkan têgêrenê.''

Şêxoyî da zanayene ke dewleta tirke demografîya Efrînî vurnena û komelo mîyanneteweyî zî nê sûcan peygoş kena.