Bado ke Amerîka 6ê teşrîna verêna 2019î de Vakur-Rojhilatê Sûrîye ra xo peyser ante. Dewleta tirke ya îşxalkere û çeteyanê ci hêrişê Serêkanîye û Girê Sipî kerd. Vera hêrişê îşxalî Hêzanê Sûrîyeya Demokratîke (QSD) cewab da. Xoverdayîşê 9 rojan de dewleta tirke û çeteyanê ci derbeyê tewr pîlî yê tarîxê xo  werdî. Tay hêzanê ke dîyî zor dîyayo dewleta tirke paştî daye ci.

Nayî ser 17ê teşrîna verêna 2019î de Amerîka û dewleta tirke seba 5 rojan adirbiranyîş îlan kerd. Dima ra Rûsya û dewleta tirke 22ê teşrîna verêne de adirbirnayîş ser o pêkerd. Netîceya nê adirbirnayîşî de leşkerê Rûsya û muhafizê sînorî yê hukmatê Şamî yê Sûrîye sînor de ameyî cakerdene. Goreyê pêkerdişê QSD û hukmatê Şamî ke verî amebi kerdene zî seba ke verê hêrişanê dewleta tirke bêro girewtene qerar gerîyabi ke hêzê şamî sînorî bipawê. La rixmo ke di serrî yo hukmatê Şamî û Rûsya tîya de yê vera hêrişanê dewleta tirke çîyêk nêkenê.

Dewleta tirke û çeteyê ci bitaybetî cayanê sîvîlan hedef genê û hêrişê înan bêmabên dewam kenê. Dewanê Eyn Îsa û Girê Sipî ser tim bombayan rişnenê. Reyna vera waranê bînan ê sîvîlan ê Rojawanî zî tim û tim hêrişî yenê kerdene. Seba ke zafê nê dewan cayanê stratejîkan de yê bitaybetî sey hedefî yenê girewtene. Wazenê ke rojawanî ra rayîrê mabênê Kobanê, Sirînê û Eyn Îsayî bibirnê û rohilatî ra zî rayîrê Til Temirî yanî yê warê Cizîre bibirnê ke Eyn Îsayî bitemamî bîgirê binê kontrolê xo. Reyna dewê Susik, Kopirlik, Evdiko, Firian, Sawan, Qiz Eli, Bir Ereb, Bir Zinar, Kor Hesen, Zenubiye, Erida, Huriyê, Qiz Eli embarê xeleyî, Leqleqo, Saribê û Xirbit Baqarî ke başûrê Girê Sipî de yê zî tim raştê hêrişê dewleta tirke yenê. Eke nê dewî bêrê îşxalkerdene Kobanê do bigîro binê çemberî.

Îşxalkerî di serrî yo hêrişê dewanê Eyn Îsa û Girê Sipî kenê. Waştişê dewleta tirke oyo ke nê dewan bikerê veng û îşxalê xo hîra bikero. Hêrişanê dewleta tirke ya îşxalkere û çeteyanê ci de heta ewro bi seyan sîvîlan dîyaya xo bedilnaye û bi seyan zî birîndar bîyî.

Têna  16 teşrîna peyêna 2020î ra heta  nika tay kesê ke birîndar bîyî nameyê înan wina yê: Ebid Xidir Essirhan (7), Mahmud Zêdan Zêdan (3), Odey îsmaîl el ehmed (16), Mihemmed Elî El Ehmed(18), Qusey El Hesen (23), Latîfa Şedad (45), Fehed El Şawax (55), Ebdilrehîm Mihemmed el Hemed (12), Zehra Salih El Simau (18), Necîb İbrahim Hemîd (25), Emîne Necîb (7 aylık), Ezîze Cixêdim (45), Mihemmed Hesen El Mihemmed (39), Edilkerîm Şilaş (47), Ezîz Şewket Bozan (35).

Reyna tay sîvîlê ke 17ê teşrîna verêna 2020î ra heta nika ameyî qetilkerdene nameyê înan wina yê: Hetim Zêdan El Misto (7), Mihemmed Xelef Silêman (36), Mistefa Salih El Ehmed (16), Mueyyed Elî El Ehmed (16), Yusuf Ebdo Memo (31), Mistefa Ebdo Memo (55), Ehmed İbrahim Rehim (12), Îmen Salih El Semeu (21), Mehmud Hemîdî El Xelîl (13).

Pîya bi nînan heta nika netîceya hêrişanê dewleta tirke de bi desan dewî ameyî xirabekerdene û xeylêk dewan de zî rîyê hêrişanî ra dewjijî nêeşkena heganê xo biçînê, hesatê xo bigîrê.